/p. n. n. 5/ amoeniori vultu magisque adblandiente
forma variegata ac versicolor
frondium florumque politie
et elegantia speciosius nitidiusque
adolescit. Et iam in fructus extumescebat,
sed immaturos avidae scholarium
manus, me inscio, intempestive
decerpserunt. Quare, ne elanguescant
aut computrescant atque
ita ab insita vi ac generositate desciscant,
Excellentiae tuae tanquam Solis
radijs expono ut ab eius almo calore
maturitatem iuxta et dulcedinem
nanciscantur. Enimvero, cum
admirabiles corporis animique dotes,
quibus a Deo affatim excultus
es, accumulate exornatus ac magnifice
insignitus, altiori repeto cogitatione,
in terris, cui te comparem, neminem
adinvenio, sed fulgidissimum
duntaxat coeli speculum tuarum virtutum
simulacrum agnosco. Historicorum